Bennaeth Asedau – Cynon Taf

A allech chi fod yn ein pennaeth nesaf o asedau?

Rydym yn chwilio am Bennaeth Asedau angerddol ac ysbrydoledig i fod yn rhan o dîm sy’n ein harwain i’r dyfodol, gan gefnogi cymunedau gwydn a bywiog ar draws ein rhanbarth. Mae’r tirlun tai yng Nghymru yn newid ac mae amseroedd cyffrous, ond prysur, i ddod.

Gwybodaeth rôl

I ddeall y rôl, dyma ddisgrifiad swydd / manyleb person: Pennaeth Asedau – Disgrifiad Swydd a Manyleb Person am fwy o wybodaeth.

Head of Assets Terms & Conditions

Gallwch ddarganfod mwy am ein blaenoriaethau corfforaethol cliciwch yma.

Teitl y Swydd: Pennaeth Asedau

Lleoliad: Abercynon (Hybrid)

Is-gwmni: Grŵp Cartrefi Cymunedol Cynon Taf

Daliadaeth: Parhaol

Cyflog: £52,982.00 y flwyddyn

Oriau: Amser llawn – 35 awr yr wythnos

Dyddiad Cau: Dydd Gwener 1 Mawrth 2024, 9am

Mae’n debygol y bydd cyfweliadau’n cael eu cynnal yn ystod yr wythnos sy’n dechrau 11 Mawrth 2024.

Sut ydych chi’n ymgeisio?

I wneud cais, anfonwch y canlynol i [email protected]

CV cyfredol
Datganiad ategol sy’n manylu ar eich addasrwydd i’r swydd (dim mwy na thair tudalen)
Ffurflen monitro Cydraddoldeb ac Amrywiaeth wedi’i llenwi (nid yw hon yn orfodol, ond bydd yn ein helpu i sicrhau ein bod yn bodloni ein dyheadau o ran cydraddoldeb ac amrywiaeth)

Os hoffech gael trafodaeth anffurfiol am y rôl, cysylltwch â Kirsty Ellis, Cyfarwyddwr Cartrefi a Chymunedau, ar [email protected]

Ar gyfer pwy rydym yn chwilio?

Mae’r rôl arwain hon yn cynnig cyfle i chi gryfhau ansawdd ein gwasanaethau ar draws y tîm asedau, adeiladu ar bartneriaethau a pherthnasoedd presennol, a’n helpu i dyfu a dysgu fel y gallwn ddiogelu ein sefydliad a’n cymunedau at y dyfodol.

Efallai bod gennych brofiad ar draws pob maes gwasanaeth neu rai ohonynt a byddwch yn dangos eich bod yn cyd-fynd yn dda â’n gwerthoedd, ynghyd â sgiliau rheoli effeithiol, ac awydd i ddysgu a rhannu ein hymrwymiad i wasanaeth gwych i gwsmeriaid.

Yn gyfnewid am hynny, byddwch yn ymuno â sefydliad sydd wir yn ymrwymo i’ch helpu i ddatblygu eich potensial. Os yw hynny’n swnio fel y math o rôl rydych chi wedi bod yn aros amdani, edrychwn ymlaen at gael eich cais.

Beth sydd ynddo i chi?

Dyma gyfle rhagorol i lywio gwasanaethau ar draws asedau, cynnal a chadw, cydymffurfio a datgarboneiddio fel eu bod yn addas at y dyfodol. Rydym yn chwilio am rywun:

A all reoli tîm aml-sgil ac amlochrog effeithiol mewn sefydliad cymunedol bach
Sydd â phriodoleddau arwain allweddol fel – anogaeth, cefnogi, annog diwylliant cadarnhaol a gweithredol, bob amser yn chwilfrydig a ddim yn gyfforddus â bod “yn ddigon da”
Sydd yn awyddus i gefnogi rhagoriaeth cwsmeriaid a bod yn rhan o’r agenda gwella/moderneiddio ehangach ar gyfer y sefydliad
A all fod yn aelod effeithiol o’n tîm rheoli gweithredol
A all ddwyn pobl i gyfrif, gyrru perfformiad, gyda sylw i fanylion
Sydd yn ddylanwadwr hyderus

Cydraddoldeb ac amrywiaeth

Rydym yn rhoi pwys ar amrywiaeth yn ei holl agweddau, gan gynnwys rhyw, anabledd, oedran, ethnigrwydd, cyfeiriadedd rhywiol a hunaniaeth rhywedd. O ran dod o hyd i gydbwysedd amrywiol i’n huwch swyddi, rydym wedi penderfynu mynd i’r afael â chydraddoldeb hil yn benodol.

Bydd cyfweliad yn cael ei warantu i ymgeiswyr o gefndiroedd ethnig leiafrifol sy’n bodloni meini prawf hanfodol y rôl.

Rydym wedi ymrwymo hefyd i’r Cynllun Hyderus o ran Anabledd. Os oes gennych anabledd, bydd cyfweliad yn cael ei warantu i chi os ydych chi’n bodloni meini prawf hanfodol y rôl.