Am bwy ydym ni'n chwilio?

Cyflawni tasgau glanhau cyffredinol sydd wedi’u hamlinellu ar y taflenni gwaith dyddiol sy’n cynnwys y tasgau canlynol, ymhlith eraill:

• Tynnu llwch a glanhau desgiau, gweithfannau ac amrywiol arwynebau;
• Tynnu llwch o ardaloedd lefel uchel gyda chyfarpar glanhau priodol;
• Glanhau lloriau a grisiau â sugnwr llwch / sgubo a golchi lloriau caled;
• Tynnu llwch a sychu siliau ffenestr, silffoedd, byrddau sgyrtin a gwaelodion cadeiriau/desgiau yn rheolaidd;
• Glanweithio mannau cyffwrdd, fel dolenni drysau, yn rheolaidd;
• Sicrhau bod cyflenwad digonol o bapur tŷ bach, tywelion papur a sebon ar gael bob amser yn ardaloedd priodol yr adeilad;
• Ar y cyd â’r Gofalwr, sicrhau bod pob bin (ailgylchu a gwastraff cyffredinol) yn cael eu gwacáu a gwaredu’r gwastraff yn unol â pholisi’r cwmni;
• Glanhau basnau ymolchi a thoiledau;
• Sicrhau bod y ceginau yn cael eu gadael yn lân ac yn daclus; llenwi a gweithio peiriannau golchi llestri
• Glanhau cypyrddau cegin, oergelloedd a microdonnau bob hyn a hyn;
• Dyletswyddau achlysurol yn unol â’r rôl

Cydraddoldeb, Amrywiaeth a Chynhwysiant

Rydym yn gwerthfawrogi amrywiaeth yn ei holl agweddau, gan gynnwys rhyw, anabledd, oedran, ethnigrwydd, cyfeiriadedd rhywiol a hunaniaeth rhywedd.

O ran dod o hyd i gydbwysedd amrywiol ar gyfer ein swyddi uwch, rydym wedi penderfynu mynd i'r afael yn benodol â chydraddoldeb hil. Bydd ymgeiswyr o gefndiroedd lleiafrifoedd ethnig sy'n bodloni'r meini prawf rôl hanfodol yn cael eu gwarantu cyfweliad.

Rydym hefyd wedi ymrwymo i'r Cynllun Hyderus o ran Anabledd. Os oes gennych anabledd, byddwch yn sicr o gael cyfweliad os ydych yn bodloni'r meini prawf rôl hanfodol.

Ein Gweledigaeth

Bod yn rhan o gymunedau hapus, iach a ffyniannus y cymoedd, lle mae pawb yn cael cyfle i fyw'n dda.

Ein Pwrpas

Darparu cartrefi a chefnogaeth wych i'r bobl sy'n rhan o'n cymunedau.